Tera Naam Khwaja Moinuddin Manqabat Lyrics

Tera Naam Khwaja Moinuddin
Tu Rasoole Paak Ki Aal Hai
Teri Shaan Khawaja e Khwajgaan
Tujhe Bekaso Ka Khayaal Hai

Mera Bigda Waqt Sawar Do
Mere Khwaja Mujh ko Nawaz Do
Teri Ek Nigaah Ki Baat Hai
Meri Zindagi Ka Sawal Hai

Main Gadaye Khwaja e Chisht Hu
Mujhe Is Gadayi Pe Naaz Hai
Mera Naaz Khwaja Pe Kyun Na Ho
Mera Khwaja Banda Nawaaz Hai

Mera Khwaja Ataa e Rasool Hai
Woh Bahaare Chisht Ka Phool Hai
Woh Bahaare Gulshane Fatima
Chamane Ali Ka Nihaal Hai

Yaha Bheek Milti Hai Be Gumaan
Yeh Bade Sakhi Ka Hai Aastaan
Yaha Sab Ki Bharti Hai Jholiyan
Yeh Dare Garib Nawaz Hai

Tere Faiz Se Bane Auliya
Qutb o Fareed Saabir Piya
Tera Faiz Aaj Bhi Daar Hai
Tu Bada Gareeb Nawaz Hai

Main Buro Se Laakh Bura Sahi
Mujhe Teri Zaat Pe Naaz Hai
Mujhe Naaz Hai Mai Garib Hu
Tu Bada Gareeb Nawaz Hai