Apni Bari Bhi Kabhi Aayegi In Sha ALLAH
Hazri Apni Bhi Ho Jaayegi In Sha ALLAH

Hijr Ke Din Bhi Guzar Jaayenge Mausam Ki Tarha
Wasl Ki Raat Bhi Aa Jaayegi In Sha ALLAH

Hum Bhi Ek Roz Madine Ki Gali Me Honge
Dil Hasrat Ye Nikal Jaayegi In Sha ALLAH

Dekh Kar Daamane Sarkar Ne Mujhe Ko Dozakh
Hath Malti Hui Reh Jaayegi In Sha ALLAH

Hazri Ka Mujhe Paigaam Sunane Ke Liye
Unke Kooche Ki Hawa Aayegi In Sha ALLAH

Apni Bigdi Hui Taqdeer Madine Le Jaa
Ek Lamhe Me Sawar Jaayegi In Sha ALLAH

Apna Imaan Hai Dum Nikle Kahi Par Bhi Adeeb
Rooh Taiba Me Pohoch Jaayegi In Sha ALLAH