Hua Jo Aamina Bi Ki Goad Mein Tera Zahoor Aaqa
Khud Jibraeel Ne Yeh Di Khabar Taiba Ki Galiyon Mein

Jo Dekha Gumbade Khazra Ke Saaye Mein Khade Ho Kar
Jamaale Mustafa Aaya Nazar Taiba Ki Galiyon Mein

Tere Darbaar Ka Darbaa(N) Banoo Main Bhi Kabhi Aaqa
Mere Dilbar Mujhe Bhi Ho Fakhar Taiba Ki Galiyon Mein

Tere Dar Ke Gali Kooche Jo Palkhon Par Uthaoon Main
Meri Saari Guzar Jaaye Umar Taiba Ki Galiyon Mein.

Hawayen Rehmaton Ki Wahaan Subho O Shaam Chalti Hain
Barasta Noor Hai Sham O Sahar Taiba Ki Galiyon Mein

Jo Tukde Ho Gaya Tha Mere Aaqa Ke Ishaare Par
Najdi Tum Ne Nahi Dekha Qamar Taiba Ki Galiyon Mein

Dua Rab Se Yeh Karta Hoon Subh Se Shaam Ro Ro Kar
Ali Akbar Teri Bhi Ho Qabar Taiba Ki Galiyon Mein