Mustafa Se Jab Tumhara Silsila Mil Jayega
Khud Ba Khud Aye Dhoonde Waaale Khuda Mil Jayega

Kya Bataoon Unke Dar Pe Jaake Kya Mil Jayega
Jo Talab Hogi Talab Se Bhi Siwaa Mil Jayega

Gham Nahi Gum Ho Bhi Jayein, Raahe Firdouse Baree
Mustafa Ka Naam Lunga, Raasta Mil Jayega

Unke Sadqe Mein Khuda Se Maang Kar Dekhe Koi
Mudda’i Ke Lab Hilenge Mudda’a Mil Jayega

Naam Unka Waqte Muskhil Le Ke Dekho To Zaraa
Na Umeedi Mein Bhi Dil Ko Aasra Mil Jayega