Shaan Khairul bashar khaatamul ambiya
Ik payambar ik insaan sab se alag

Shafqate be sabab rehmate be talab
Unki bakhshish ka unwaan sab se alag

Arsh qadmon me pewand poshaakh me
Hai do aalam ke sultan sab se alag

Unko dekha nahi phir bhi pehcahaan le
Meri aankhon ka imaan sab se alag

Unke dar ke gada sar pe taaje ana
Hum faqeero ki pehchaan sab se alag

Naat kehte hai dil ki zameeno me hum
Shayar apna hai maidaan sab se alag