Hafize Qur’an hai
Aashiqon ki jaan hai
Hind ka Sultan hai
Mera Khwaja Mera Khwaja Mera Khwaja
Mera Khwaja Mahan hai

Sultan e Hind Qutb e Mashaikh mera Khwaja
Khwaja e Khwajga hai mairukh mera Khwaja
Kya Shah kya gada hai sabhi unke bhikari
Bharta hai jholiya yaha sabki mera Khwaja

Meri ana fana ho kuch aisa karam karo
Sagar muhabbato ka mere dil me tum bharo
Hubbe Rasoole Paak se seena Madina ho
Khwaja karam karo mere Khwaja karam Karo

Aalam me Sunni Dawate Islami aam ho
Is par nigah teri Shaha subho shaam ho
Karte rahe khloos se hum deen ki khidmat
Dono jahan me apna bhi izzat Maqaam ho

Maula Ali ki shaan Shuja`at ka waasta
Aur Faatima ki Chaadar e Iffat ka waasta
Hasnain ke sadqe me meri bigdi banado
Tum ko Rasoole Paak ki Rehmat ka waasta

Rizwan tumhare dar ka gada hai mere Khwaja
Shakir bhi aaj mehwe Dua hai mere Khwaja
Dedo karam ki bheek me Taiba ki bahare
Sabko Madina tum se mila hai mere Khwaja