Kyun kar na mere dil me ho ulfat Rasool ki
Jannat me le ke jaayegi chahat Rasool ki
Jannat me le ke jaayegi chahat Rasool ki
Chalta hu main bhi qafile waalo ruko zara
Milne do bas mujhe bhi ijazat Rasool ki
Milne do bas mujhe bhi ijazat Rasool ki
Puche jo deeno imaan naqeerain qabr me
Us waqt mere lab pe ho midhat Rasool ki
Us waqt mere lab pe ho midhat Rasool ki
Tadpa ke unke qadmon me mujh ko gira de shauq
Jis waqt ho lahad me ziyarat Rasool ki
Jis waqt ho lahad me ziyarat Rasool ki
Sarkar ne bula ke Madina dikha diya
Hogi mujhe naseeb shafa’at Rasool ki
Hogi mujhe naseeb shafa’at Rasool ki
Ya Rab dikha de aaj ki shab jalwaye Habeeb
Ik baar to ata ho ziyarat Rasool ki
Ik baar to ata ho ziyarat Rasool ki
Daaman me unke lelo panah aaj najdiyon
Mehngi padegi warna adawat Rasool ki
Mehngi padegi warna adawat Rasool ki
Tu hai ghulaam unka Ubaide Raza tere
Mehshar me hogi saath himaayat Rasool ki
Mehshar me hogi saath himaayat Rasool ki