Jis Ko Kehte Hai Qayamat Hashr Jis ka Naam Hai
Dar Haqeeqat Tere Deewanon Ka Jashn-E-Aam Hai
Azmat-E-Farqe Shahe Kaunain Kiya Jaane Koi
Jis ne Choome Paye Aqdas Arsh Uska Naam Hai
Aa rahe Hai Woh Sare Mahshar Shafa’at Ke Liye
Ab Mujhe Maaloom Hai Jo Kuch Mera Anjaam Hai
Roo e Anwar Ka Tasawwur Zulfe Mushkin Ka Khayal Hai
Kaisi Pakeeza Sahar Hai Kiya Mubarak Shaam Hai
Saqiye Kausar Ka Naam-E-Paak Hai Wirde Zabaan
Kaun Kehta Hai Ke “Tahseen”Aaj Tishna Kaam Hai