Jab gumbade khazra pe woh pehli nazar gayi
Aankhon ke raaste mere dil me utar gayi

Sar kham tha lab khamosh the aankhen thi ashkbaar
Ik saa-ate bedaar thi jo ke guzar gayi

Barsi thi is qadar ke naha sa gaya udhar
Woh baarishe karam mere daamaa ko bhar gayi

Dil bhi hai shaad shaad tabiyat hai pur bahaar
Lagta hai aaj meri Madine khabar gayi

Taiba se lautna kisi aashiq se poochiye
Aisa lage ke rooh badan se nikal gayi

Jo keh saka na lab se mili woh muraad bhi
Mere sukoot par bhi Shaha ki nazar gayi

Aawaz Ubaid teri ba-faizaane naat hi
Seeno(n) me aashiqaane Nabi ke utar gayi