Lamha Lamha Hai Mujh Pe Nabi Ki Ataa,
Doston Aur Maangoo Mai Maula Se Kya,
Kya Ye Kam Hai Ke Mere Khuda Ne Mujhe,
Apne Mehboob Ka Ummati Kar Diya.

Jo Bhi Aaya Hai Mehfil Main Sarkaar Ki,
Haazari Mil Gayi Jis Ko Darbaar Ki,
Koi Siddique Farooq Usmaan Huwe,
Aur Kisi Ko Nabi Ne Ali Kar Diya

Zikr-E-Sarkaar Ki Hai Badi Barkatein,
Mil Gayi Raahatein, Azmatein Rif’atein,
Mai Gunahgaar Tha, Be Amal Tha Magar,
Mustafa Ne Mujhe Jannati Kar Diya.

Mere Shaahe Madina Ki Kya Baat Hai,
Un Ki Dar Se Mili Sab Ko Khairaat Hai,
Sadqe Jaaon Niyaazi Main Lajpaal Ke,
Har Gadaa Ko Sakhi Ne Sakhi Kar Diya