Baghdad wale dulha raushan zameer
Mere peerane peer mere peerane peer

Khuda ke fazl se hum par hai saaya Gauth-e-aazam ka
Hame dono jahaan mai hai Sahara Gauth-e-aazam ka

Mureedi la takhaf keh kar tassali di ghulamo Ko
Qayaamat tak rahe be khauf banda Gauth-e-aazam ka.

Azeezo kar chuko tayyaar jab mere janaaze ko
To likh dena kafan par naam-e- waala Gauth-e-aazam ka

Farishte rokte kyun ho mujhe jannat me jaane se
Ye dekho haath me daaman hai kis ka Gauth-e-aazam ka

Farishte madrase tak saath pohchane ko jaate the
Ye darbaar-e-ilahi me hai rutbaa Gauth-e-aazam ka

Gaye ek waqt me sattar mureedo ke yahaan aaqa
Samaj me aa nahi sakhta mu’ama Gauth-e-aazam ka

Mukhalif kya kare mera ke hai behad karam mujh par
Khuda ka rehmatullil aalami ka Gauth-e-aazam ka

Nida dega munadee hashr mai yu Qaadriyo ko
idhar hai qaadri kar lei nazara Gauth-e-aazam ka

Agar che murg sab ke bol kar khamosh hotae hai
Magar ha murg bolega humesha Gauth-e-aazam ka

Jameele qadri sou jaan se qurban apne murshid par
Banaaya jis ne hum jaiso ko banda Gauth-e-aazam ka