Aane Walo Ye To Bataao Shehre Madina Kaisa Hai
Sar Un Ke Qadmon Me Rakh Kar Jukh Kar Jeena Kaisa Hai

Gumbade Khazra Ke Saaye Me Baithh Ke Tum To Aaye Ho
Uss Saaye Me Rab Ke Aage Sajda Karna Kaisa Hai

Dil Aankhaen Aur Rooh Tumhari Lagti Hai Sairaab Mujhe
Dar Pe Un Ke Baith Ke Zamzam Peena Kaisa Hai

Deewano Aankhon Se Tumhari itna Puch To Lene Do
Waqte Dua Roze Pe Unke Aansu Bahaana Kaisa Hai

Waqte Rukhsat Dil Ko Apne Chhod Wahaan Tum Aaye Ho
Ye Batlaao Ishrat Un Ke Dar Se Bichhadna Kaisa Hai