Tere Haath Mein Haath Maine Diya Hai
Tere Haath Hai Laaj Ya Ghaus e Azam

Nikala Hai Pehle To Doobay Huoon Ko
Aur Ab Doobtoon Ko Bacha Ghaus E Azam

Bhawar Mein Phasa Hai Safina Hamara
Bacha Ghaus E Azam, Bacha Ghaus E Azam

Qasam Hai Ke Mushkil Ko Mushkil Na Paya
Kaha Hum Ne Jis Waqt Ya Ghaus E Azam

Mureedon Ko Khatra Nahi Bahr E Ghum Se
Ke Bere Ke Hain Na Khuda Ghaus E Azam

Kahe Kis Se Jaakar Hasan Apne Dil Ki
Sune Kaun Tere Siwa Ghaus E Azam