Kuch aisa sukoon paya Sarkar ke qadmo me
Dil kaif se bahar aaya Sarkar ke qadmo me

Masjid ka har ek chappa wallah Noorani hai
Kuch Noor ajab paya Sarkar ke qadmo me

Ramzan e Madina ki raunaq hi niraali
Iftaar bhi kar aaya Sarkar ke qadmo me

Ab meri duao me kuch kaif nirala hai
Aasu jo baha aaya Sarkar ke qadmo me

Bheje the salaamo ke ehbaab ne jo tohfe
Mai peysh wo kar aaya Sarkar ke qadmo me

Sarkar qayamat me qausar bhi pilayenge
Zam Zam to mai pe aaya Sarkar ke qadmo me

Sab kuch to unhi ka hai mai nazar hi kya karta
Bas naat suna aaya Sarkar ke qadmo me

Rizwan ki ye kismat hai tu inka sana khawa hai
Paaya hai ye sarmaya Sarkar ke qadmo me