Sarkar karam kardo Sarkar karam kardo
Sarkar karam kardo Sarkar karam kardo
Mangta hu shaha dar ka jholi ko meri bhardo

Dil mera tadapta hai Taiba ki judaai me
Kismat me meri Aaqa Taiba ka safar kardo

Naiya hai meri Aaqa tere hi sahare par
Tufaan ka rukh badlo aur door bhawar kardo

Hasnain ke sadqe mein ho chashme karam  Aaqa
Yaado me teri roou wo ankh ata kardo

Sab kuch to tumhara hai kya pesh karu Aaqa
Ikhlaas ki daulat se jholi ko meri bhardo

Mai aau Madine me ye meri tamanna hai
Ye rooh wahi nikle rehmat ki nazar kardo

Sab haale dil e muztar raushan hai shaha tumpar
Kismat meri chamka do taqdeer bhali kardo

Rudaad gum e dil ki mai kis se kahu jaakar
Har ranj o musibat se ab mujh ko bari kardo

Shakir bhi tumhara hai Rizwan bhi tumhara hai
Ahmed ko bhi tum Aaqa manzoor e nazar karlo