Chchod kar Aapka darbar phir mai kya dekhu
Ab to bas ek hi dhun hai ke Madina dekhu

Jaliyan dekhu sunehri kabhi rauza dekhu
Tik-tiki baandh ke mai gumbad e khazra dekhu

Unke labhaye Mubarak ke tabassum ke tufail
Gulshane dil ki bhi kaliyon ka mai khilna dekhu

Ho durood aur Salaamo ke zuban par nagme
Abre rehmat ka mai phir zor barasna dekhu

Unke darbaar me unko mai sunaau naate
Ishq me unke gulamo ka machalna dekhu

Unke qadmain sharifain ka bosa le kar
Misle khursheed mai zarro ka chamakna dekhu

Dafn hone ko mayassar jo ho Taiba ki zameen
Phir to duniya hi se Jannat ka mai zeena dekhu

Mere maula tere RIZWAN ki dua hai tujh se
Naz’aa ke waqt mai SARKAR ka jalwa dekhu