Badi Ummeed Hai Sarkaar Qadmon Mein Bulaenge
Karam Ki Jab Nazar Hogi Madine Hum Bhi Jaaenge

Agar Jaana Madine Mein Hua Gham Ke Maaron Ka
Makine Gumbade Khazra Ko Haale Dil Sunaenge

Qasam Allah Ki Hoga Woh Manzar Deed Ke Qaabil
Qayaamat Mein Rasoolallah Jab Tashreef Laaenge

Gunahgaaron Mein Khud Aake Shaamil Paarsa Honge
Shafiye Hashr Jab Daamaane Rehmat Mein Chupaenge

Ghame Ishqe Nabi Se Hoga Jab Maamoor Dil Nayyar
Tere Jhurmat Qade Me Bhi Sitaarein jagmaenge