Ya Gaus Ab Kara Do Bagdad Ka Nazara
Duniya To Keh Rahi Hai Tum Keh Do Hai Humara

Mujhe Qadri Banaya Mera Martaba Badhaya
Main Tere Nisaar Jaaun Kya Khoob Hai Nikhara

Thokar Se Mere Dil Ko Ya Gaus Ab Jilaa Do
Shohda e Karbala Ka Mujhe Dijiye Utaara

Qismat Agar Buri Ho Use Tum Bhali Bana Do
Tumne Na Jaane Kitno Ke Naseeb Ko Sanwara

Me’raj Hi Hui Thi Me’raj Mein Tumhari
Qadm e Nabi Hai Tum Par Rutba Hai Kya Tumhara

Duniya Ke Is Sitam Se Ghabra Gaya Hoon Gham Se
Kahi’n Mar Na Jaaun Meera’n Dedo Mujhe Sahara

Meri Zindagi Ki Kashti Garqaab Ho Gayi Thi

Saahil Pe Aagaya Jab Main Ne Al-Madad Pukara

Siddique Umar Ke Sadqe Usman Ali Ke Sadqe
Hind-al-Wali Ke Sadqe Mujhe Dar Mila Tumhara

Bagdad Se Bareli Marehra Se Madina
Sada Aaau’n Jaau’n Meera’n Hota Rahe Nazara

Ranj o Aalam Mita Do Ya Gaus Aasra Do
Teer e Nazar Chala Do Kardo Karam Khudara

Gaus ul Wara Madad Ho Saari Balaye’n Rad Ho
Sayyed Ke Tum To Jad Ho Beta Hai Ye Tumhara

By – Al Haj Sayyed Mohammad Qadri Sahab Qibla