Meri Barbaad Basti Ko Basaa Do Ya Rasoolallah
Kinare Par Meri Kashti Laga Do Ya Rasoolallah

Mere Taareek Dil Par Noor Ki Barsaat Ho Jaaye
Mere Qalbe  Siyaah Ko Jagmaga Do Ya Rasoolallah

Ghira Hoon Marze Isiyaan Me Gariftaare Masaa-ib Hoon
Mujhe Is Kaid Se Lillah Bacha Do Ya Rasoolallah

Mera Maskan Madina Ho Mera Madfan Madina Ho
Mera Seena Madina Hi Bana Do Ya Rasoolallah

Yeh Aankhen Aap Ke Deedar Ki Taalib Hai Muddat Se
Rukhe Pur Noor Se Parda Hata Do Ya Rasoolallah