Madine Ke Waali Do Aalam Ke Daata
Meri Bhi Nazar Sooye Taiba Lagi Hai
Mai Mohtaj Hu Ek Nigahe Karam Ka
Mai Mohtaj Hu Ek Nigahe Karam Ka
Tumhare Karam Se Meri Zindagi Hai
Hai Wadiye Aiwaan Pe Khaaliq Ki Rehmat
Musallam Hai Baitul Muqaddas Ki Azmat
Magar Qalbe Muztar Ko Hai Jiski Haajat
Magar Qalbe Muztar Ko Hai Jiski Haajat
Woh Sultaane Taiba Tumhari Gali Hai
Tumhare Hi Tukdo Pe Mera Guzara
Tumhare Hi Darbar Ka Hu Mai Mangta
Jo Tumse Na Maangu To Fir Kisse Maangu
Jo Tumse Na Maangu To Fir Kisse Maangu
Tumhara To Saara Gharaana Sakhi Hai
Yaha Reh Ke Jeena Hai Marne Se Badtar
Waha Jaake Marna Hai Jeene Se Behtar
Mayassar Jo Ho Unke Qadmon Me Reh Kar
Mayassar Jo Ho Unke Qadmon Me Reh Kar
Wohi Zindagi Asl Me Zindagi Hai