Aankhen ro ro ke sujaane wale
Jaane wale nahi aane waale
Koi din mein yeh saraa oojad hai
Are O chauni chaane wale
Zabha hote hain watan se bichde
Des kyun gaate hain gaane wale
Are bad faal buri hoti hai
Des ka jangla sunaane wale
Sun le(n) aa’da main bigadne ka nahi
Woh salamat hain banaane wale
Aankhen kuch kehti hain tujh se paigaam
O dare yaar ke jaane wale
Phir na karwat li Madine ki taraf
Are chal jhoote bahaane wale
Nafs main khaak hua tu na mita
Hai ! meri jaan ke khaane wale
Jeete kya dekh ke hain aye hooro
Taiba se khuld mein aane wale
Neem jalwe mein do aalam gulzaar
Wah wa rang jamaane wale
Husn tera sa na dekha na suna
Kehte hain agle zamaane wale
Wohi dhoom un ki hai Masha-Allah
Mit gaye aap mitaane wale
Labe sairaab ka sadqa paani
Aye lagi dil bujhaane wale
Saath lelo Mujhe main mujrim hoon
Raah mein padte hain thaane wale
Ho gaya dhak se kaleja mera
Haaye rukhsat ki sunaane wale
Khalq to kya ki hain Khaaliq ko azeez
Kuch ajab bhaate hain bhaane wale
Kushtaye dashte haram jannat ki
Khidkiyaa(n) apne sirhaane wale
Kyun Raza aaj gali sooni hai
Uth mere dhoom machaane wale